Det opna med vising av Synnøve Meisingsets to akrylmåleri – "Enhjørning-Pegasus" og "Alv i måneskinn" – som tok ho vidare til fylkesmønstring i Midsund.

Dansen som blir vist i Surnadal no til dags er av utruleg høg kvalitet, og opningsnummeret "Reflection" var koreografert av ein av dansarane – Mira Husby Bævre (15).

Øvrige dansarar var Frida Bergheim (16), Gunn Mari Våbenø (15), Ine Fiske (15), Kristin Bøklep (15) og Leah Snekvik Wilhelmsen (15).

Tre av desse – Gunn Mari, Ine og Kristin møtte vi seinare i dansen "Human" – like proft gjennomført som den første.

Karianne Holten (14) framførte tema frå "Kill Bill" på kornett , og det er artig å sjå at det er såpass mangfald i ei UKM-framsyning. Per Holten akkompagnerte på "oppsyntha" trekkspel.

Litt hiphop var det sjølvsagt med i år også, Iselin Sletten-Valbjørgsløkken (14) rappa OnklP-låten "Styggen på ryggen".

Seinare i framsyninga møtte vi Rattlesnake frå Halsa med "Bad Shit Crazy" – ein sjølvlaga rap som dei ikkje hadde fått øvd så mykje på. Emil Hestflått (15) rappa og vart kompa av Birgit Sæther Åsgård (16), Peder Botten (16) og Ragnhild Svendsli Otnes (15).

Einaste innslag frå Rindal stod duoen "Second Harmony" for. Namna bak er Sanna Steinshamn Reinfjord (13) og Uma Børset Bekken (11) som sjarmerte med si framføring av "House Of The Rising Sun".

Bak duoen "Dreamers" gøymer seg Silje Andersen (16, vokal) og Frida Bergheim (16, dans og koreografi). Framføringa av "I Dreame A Dream" frå Les Misérables rørte nok både publikum og jury.

Ingeborg Tunheim (16) og Natalie Sæther (16) tok oss tilbake til 20-talet med song og dans på "All That Jazz" frå musikalen "Chicago". Også eit sjarmerande innslag med god retro kjensle.

Liam Nathaniel Tangmo (16) hadde ei drivande framføring av "Johnny B. Goode" på piano.

Når vi først er inne på piano fekk Gunn Astrid Hove (15) glimrande tonefølgje av Pål Sæther (17) på piano på "Writings On The Wall".

Elise Megård (15) frå Halsa har vore med i UKM før, og akkompagnerte seg sjølv på gitar på låten "Alone".

CC Cowboys-fans fekk også sitt då Saksøkt med Gunn Astrid Hove i spissen på vokal framførte "Barnehjemmet Johnny Johnny". Ho hadde med seg musikarane Benjamin Lund Paulsen (15) på orgel, Bjørnar Schei Hyldbakk (15) på trommer, Bror Sæther (15) på bass og Nils Ole Grimsmo (15) på gitar.

Her var det mykje bra, og juryen hadde nok sine diskusjonar før dei kom fram til at dei ville sende følgjande nummer vidare til Fylkesmønstringa i Midsund frå 31. mars til 2. april:

Synnøve Meisingset, Surnadal, med akrylmåleria "Enhjørning-Pegasus" og "Alv i måneskinn",

dansegruppa "Reflection", Surnadal, med Mix av "Unstoppable" og "To Build A Home",

Karianne Holten (kornett), Surnadal, med "The Lonely Shepherd" frå Kill Bill,

dansarane Gunn Mari, Ine & Kristin, Surnadal, med "Human",

Second Harmony, Rindal, med "House Of The Rising Sun"

Dreamers, Surnadal, med "I Dreamed A Dream",

Ingeborg og Natalie, Halsa, med "All That Jazz",

Elise Megård, Halsa med "Alone"

Gunn Astrid og Pål, Surnadal, med "Writings On The Wall".