I vår lyste fylkeskommunen ut 1,5 mill. kroner til felles arbeidsverkstad for kunstnarar i Møre og Romsdal. Det kom inn søknadar på til saman om lag tre millionar. -Vi ønskjer å styrke grunnlaget for kunstnarar i fylket til å produsere samtidskunst. Dette er ei yrkesgruppe med stor uforutsigbarheit både i arbeidstid og inntekt. Mange vel difor å ha arbeidsverkstaden sin heime. I eit atelierfellesskap får kunstnarane i større grad høve til å utveksle erfaring, styrke nettverk og finne nye marknadar, seier rådgivar i Møre og Romsdal fylkeskommune, Carina Stokke. Ingen kunstnarar i Driva sitt nedslagsfelt fekk støtte i denne runden.