Lokalt kan me sjå at våre kommunar har så mange ledige; Nesset; 35, Tingvoll; 24, Sunndal: 78, Surnadal; 39, Halsa; 13 og Rindal; 14. I prosent av arbeidsstokken har Nesset flest ledige av våre lokale kommunar med 2,2 prosent, medan Surnadal og Rindal har færrast med 1,3 prosent. I november 2014 er det 2823 personar heilt utan arbeid i Møre og Romsdal. Det svarar til 2,1 prosent av arbeidsstokken og er ei auke i arbeidsløysa på 3,8 prosent frå same månad i fjor. I november 2014 har vi 507 arbeidssøkjarar i ulike arbeidsmarknadstiltak, 294 færre enn i november 2013. Til saman gjev dette ei brutto arbeidsløyse på 3330 personar i fylke. Arbeidsløysa i Møre og Romsdal er no 1,9 prosent for kvinner og 2,2 prosent for menn. I landet er det 71 008 heilt ledige. Dette er 2,6 prosent av arbeidsstokken, og er ei auke på 4,1 prosent samanlikna med same periode i fjor.
– Arbeidsløysa dei siste månadene har vore svært stabil. Korrigert for normale sesongsvingingar har den vore rett over eller under 3 050. Men no når arbeidsløysa har vore noko høgare i år enn dei to førre åra ser vi at det er fleire som er ledige lenge. Blant dei me reknar som langtidsledige, altså samanhengande ledig i over 26 veker har me 704 personar, 99 fleire enn i fjor på denne tida. Ser vi blant dei som har vore ledige i over 81 veker er utviklinga endå klarare, der har auka det siste året vore på 63 prosent, frå 64 til 104, seier fylkesdirektør Stein Veland.