Første mai betyr «Vårsongfest» i Bøfjorden. Også i år inviterer Åsskard Kyrkjekor til allsong, slagermusikk og operaperler.
Allsong og god stemning pregar dette årvisse Syng-med-Oss-programmet – anført av Åsskard Kyrkjekor og venner frå Todalen. Dei tek også fram «Melodiminne» frå Ønskekonsertens glanstid – og har sin ferske CD til salgs.
Koret får backing av bl.a. trekkspelar Peder Hønsvik og «Hjemmelaget» - som også står for eksotisk slagermusikk frå heile verda.
At opera kan vera folkekultur, slo trioen Maria Nohr, Sigrid Bøe og Hedda Hansen Berg ettertrykkeleg fast på fjorårets Vårsongfest – da nymfe-drøm, Carmen-flørt og Katte-duett fekk fram både tårer og lattersalver i Grendahuset.
I år er trioen utvida til kvartett – med den svenske operabassen Erik Rosenius på laget. Han har eksamen frå Kungliga Musikhögskolan, syng m.a. i det berømte Kammarkören og framfører like gjerne romanser som kyrkjemusikk og opera. Det ligg an til fest og velklang – alt i grendahusets lune atmosfære.
Kaffe blir det naturlegvis. Og loddsalget er basisinntekta for lokalt musikkliv – her altså med spennvidde langt ut over Bøfjorden og Nordmøre.