Norsk Kvalitetsmat søkjer Surnadal kommune om støtte til kostnader knytt til tilpassingar, avbrot/oppstart av produksjonen, ny profilering og andre kostnader i samband med etableringa i dei nye lokala i industriområdet i Surnadal.

Bedrifta søkjer om 1,2 millionar kroner, men rådmannen meiner kommunen ikkje kan løyve meir enn 200.000 kronar sett i høve til liknande søknadar tidligare.

I si saksutgreing er rådmannen glad Norsk Kvalitetsmat flyttar tilbake til Surnadal etter 12 år i Rindal og tek med seg ti ansatte. Rådmannen peiker og på at Surnadal no har produsentar av både kjøtt og fiskeprodukter.

- Skulle selskapet lukkast med si målsetting om å auke dagens omsetning med 100% over dei neste 5 åra, så er det umuleg å sjå for seg at det kan gjerast utan at nye arbeidsplassar blir generert, seier rådmannen i si tilråding til formannskapet.