Det var trivsel for både ung og gammel på Vårsøghelgas andre dag.
Endret: 21.05.2010 kl. 14:15
Bebuarar frå Stangvik aldersheim og Surnadal sjukeheim var blant publikum som fylte Svorkasalan nesten til randa. Underhaldning ved Aimee Leonard Trio, unge lyrikarar frå skulane i kommunen, song ved Henning Sommerro og ikkje minst Bjørnson-foredrag i regi av Edvard Hoem sto på kulturplakaten denne føremiddagen. Paralellt var det barneteater for barnehagane og småskulen, minikonsertar i Surnadal Sparebank og på Svorka Energi, og noko seinare samla ungdomsskulen seg til foredrag med Bjørnson-biografen frå Romsdal.
Det var tydeleg at dei eldre kosa seg under arrangementet, som vart avrunda med kaffelag og prat rundt borda. Forfattar Hoem tok seg tid til å vere med på kaffeslabberaset i lag med bebuarar ved Stangvik aldersheim, noko som ga retteleg godstemning rundt bordet.
