Klarsynt fra Glærum

Meninger

Enkelte blant oss er nok meir klarsynte enn vi andre – og veit også å få det gjort kjent både om store og mindre saker. No siste veka har media m.a. fortalt oss fyndig at dei som har stått bak mobbesaka i Halsa bør få namna sine offentleggjort, med oppslag og bilde og tekst rundt om i lokalsamfunnet, og med melding om at dei er ein drittsekk. (TK 12/6). For dei er «personer med svekkede sjelsevner» - og har «underutviklet empati».

I tillegg har Helse Møre og Romsdal fått ei dugeleg skyllebøtte, formidla i tekst og bilde i TK 17/6. Helsedirektør Bakke har ikkje greie på kva han held på med, og er «selvfølgelig en av disse sprettene som kommer ut fra en business-school» - og som manglar samfunnskontakt og ikkje har «bakkekontakt hverken menneskelig eller geografisk» og er prega av «legokloss-mentalitet». Men «hvis vi gjør om alle sykehus til private klinikker, kan vi fjerne det dyre overbygget av politikere og byråkrater.»

Også dei som arbeider med Todalsbru-prosjektet har fått sitt denne veka (jf Trollheims-porten18/6: «Trollheimsbrua – skift mannskap!». Dei har enda ikkje «kjøpt seg kart, eller tatt et kurs i kartlesning». Det er grunn til å ha medkjensle med skribenten som både blir kvalm og deprimert og gal av det som skjer eller ikkje skjer. Nei, hadde Sylvi Listhaug og Frank Sve fått styre samferdselspolitkken, hadde nok helseproblema på Glærum blitt mindre!

Det er eit under at ikkje klarsynest på Glærum har større gjennomslag!

Eivind Hasle
6650 Surnadal