Dette samferdselsprosjektet har ei lang historie og har i snart hundre år hatt mange løysingar, frå den trufaste båt- og ferjetrafikken til ulike bru/tunellalternativ: Rambjørvegen, Trollheimstunellen, Ålvundfoss–Svinvik, Ålvund–Lykkjebygda og flytebru Røkkum–Kvanne.
No verkar det som om vi har kome fram til tidspunktet for det endelege vegvalet. Vi kjenner på stor uro for at feil alternativ kan bli valgt. Det er ofte slik at enkelte grunneigarar/personar blir hardt råka når samfunnsnytten er viktig for å løysa våre felles oppgåver. I slike høve kompenserer storsamfunnet såleis at den som må avgi grunn, endra driftsopplegg eller investere i nye drftsbygningar/boligar fullt ut blir haldne skadeslause.
Tunell- og bru-alternativet Ålvundfoss–Svinvik, er etter vår meining det klart mest bærekraftige alternativet for å løyse kryssinga av Todalsfjorden og må leggast til grunn når kommunane skal gi uttrykk for sitt syn.
Ålvundfoss–Svinvik inneber ein forholdsvis kort tunell, ei spektaktulær utsikt frå brua mot Trollheimen, med mulighet for fjordkryssing for syklande og gåande via Drøppingstranda, og aller viktigast, ein unngår den djupe undersjøiske tunellen som både er kostbar i drift og kan vera ubehageleg for mange reisande.
Vi underskrivne er overbevist om at tunell/bru Ålvundfoss–Svinvik er det klart mest framtidsretta alternativet og vil kunne utvikle ein robust og livskraftig region på Nordmøre.
Av Endre Seljebø, Gjermund Svinsås, Per Steinar Husby, Edel Hoem og Arne Drøpping.