Tollvesenet purrar no dei køyretøyeigarane som ikkje har betalt årsavgifta og dei som har betalt
for seint. Eigarane skuldar staten totalt 795 millionar kroner.
Tollvesenet sendte i februar ut 3,6 millionar krav om årsavgift med betalingsfrist 20. mars. 328 000
krav er enno ikkje betalt. Delen av krava som Tollvesenet no purrar, har minska frå 9,4 prosent i
2012 til 9,2 prosent i år. Årsavgifta gir staten 9,2 milliardar kroner i inntekter.
Sogn og Fjordane er det fylket som kjem best ut, der 7,0 prosent av årsavgiftkrava ikkje er betalte. I
den andre enden av statistikken finn vi Finnmark, der 11,1 prosent får purring i posten.
Dei som får purring har anten ikkje betalt årsavgifta eller betalt avgifta for seint. I begge tilfelle må
dei no betale ei tilleggsavgift. Har du betalt etter forfall, skal berre tilleggsavgifta betalast. Fristen
for å betale krava er 10. mai. Dersom årsavgifta eller tilleggsavgifta ikkje er betalt innan fristen,
vedtek Tollvesenet køyretøyet avskilta.