Søndag var første dag av Norway Cup, verdas største fotballturnering. Turneringa i Oslo varar fram til og med neste laurdag, og heile 25 lag frå Driva-distriktet deltek. 23 spelte kampar i løpet av åpningsdagen.
Eitt av laga som spelte kamp, og attpåtil to, var Halsa/Valsøyfjord sitt 7ar-lag i Gutar 14-klassa. Ved lunsjtider åpna dei med storseier 6-0 over Oltedal, og på ettermiddagen følgde dei like godt opp med å slå Kongsberg-laget Efteløt IL heile 12-2.
- Åpningsdagen har vore knallbra for oss, seier Halsa/Valsøyfjord-trenar Kurt Rønning til Driva.
Han fortel at laget var svært spente på kor dei stod samanlikna med motstandarlaga, og det at det er første gong laget deltek i Norway Cup gjorde spenninga ekstra stor.
- Målsetjinga vår var å reise til Oslo og ha det artig og prøve å vinne nokre kampar, og det har vi jo allereie klart, seier Rønning.
Dei to seirane vart feira med fellesmiddag for heile den bortimot 50 personar store Halsa/Valsøyfjord-delegasjonen på Egon.
Laget møter Gjøvik-Lyn måndag, i det som er deira siste kamp i puljespelet før sluttspelet ventar.
Tøft for dei eldste
Totalt vart det 13 seirar, to uavgjorte og 10 tap for dei lokale laga på turneringas første dag.
I dei eldste klassane vart det tap både for Surnadal/Rindal (G 18/19) og Surnadal/Søya/Todalen (J18/19), med henhaldsvis 0-2 og 0-5 mot sterk motstand i Skeid 1 og Trondheims-Ørn.
Tidlegare Sunndal-spelar Anya De Courcy scora to av måla mot surnadalingane. Ingen av Sunndal sine juniorlag var i aksjon søndag.
Mykje å juble for
I 15/16-årsklassene gjekk det betre, med seirar både til Surnadal 1 (2-0 over Overhalla), Surnadal 2 (6-2 over Ål) og Sunndal 1 (3-1 over Fjellhamar) på gutesida, medan Søya knuste skotske Clark Drive Girls 6-0 på jentesida.
Elles vart det klare seirar både til Surnadal (4-0 over Lyn 3) og Sunndal (5-0 over Vålerenga 2) i G14-klassa, medan også Tingvoll J15/16 7-er (7-1 over Helgerød/Gøif) og Sunndal J13 7er (8-0 over Birkebeineren) vann stort. Surnadal sitt J14-lag åpna Norway Cup med å snu 0-2 til 3-2-seier mot Hafslo frå innerst i Sognefjorden.
Måndag held turneringa fram med dag to av puljespelet, med lokale kampar frå klokka 9 om morgonen til 21 om kvelden.
Norway Cup-resultata til klubbane i Driva-distriktet måndag:
Klasse A (Gutter 11er, 18/19 år):
Skeid 1-Surnadal/Rindal 2-0
Sunndal deltek og i denne klassa, men spelar ikkje sin første kamp i turneringa før måndag 1.8.
Klasse Q (Jenter 11er, 18/19 år):
Trondheims-Ørn-Surnadal/Søya/Todalen 5-0
Sunndal deltek og i denne klassa, men spelar ikkje sin første kamp i turneringa før måndag 1.8.
Klasse B (Gutter 11er, 15/16 år):
Overhalla-Surnadal 1 0-2
Ål-Surnadal 2 2-6
Inderøy 2-Sunndal 2 4-0
Fjellhamar-Sunndal 1 1-3
Rindal-Sotra 4 1-6
Klasse R (Jenter 11er, 15/16 år):
Stranda-Sunndal 2-2
Clark Drive Girls-Søya 0-6
Klasse U (Jenter 7er, 15/16 år):
Helgerød/GØIF-Tingvoll 1-7
Klasse C (Gutter 11er, 14 år):
Lyn 3-Surnadal 0-4
Sunndal 1-Vålerenga 2 5-0
Sunndal 2-Trygg/Lade 1-3
Klasse V (Jenter 7er, 14 år):
Sunndal 2-Skodje 0-5
Bønes-Sunndal 1 2-2
Søya-Senja 0-6
Klasse S (Jenter 11er, 14 år):
Hafslo-Surnadal 2-3
Klasse F (Gutter 7er, 14 år):
Halsa/Valsøyfjord-Oltedal 6-0
Halsa/Valsøyfjord-Efteløt IL 12-2
Lørenskog-Tingvoll 2 15-1
Tingvoll 1-BESA FC 1-8
Fyresdal-Tingvoll 2 2-3
Klasse D (Gutter 9er, 13 år):
Søya-Langhus 2 4-1
Klasse T (Jenter 9er, 13 år):
Surnadal-Åsane 1-4
Klasse P (Jenter 7er, 13 år):
Sunndal-Birkebeineren 8-0
Søya (3 lag)
Rindal (1 lag)
Tingvoll (3 lag)
Halsa/Valsøyfjord (1 lag)
Sunndal (10 lag)
Surnadal (7 lag)