Under Norway Cup i Oslo er det kvart år knytt store forventningar til kva lag som får kampane sine sendt på TV2, og fleire lokale lag har fått oppleve dette tidlegare år.
No er det klart at begge Sunndal sine G16-lag vert å sjå på TV2 måndag.
Sunndal G16 1 møter Lillestrøm 1 på Nordre Åsen klokka 10.00, og den kampen vert sendt på TV2 Sumo og TV2 Sportskanalen. Sunndalslaget slo i går Abildsø 3-0 i første kamp, medan Lillestrøm vann 4-0 over brasilianske Alunorte Rain Forest.
Klokka 15.00 skal Sunndal G16 2 ut i kamp mot Hammerfest IF/Stein på Ekebergsletta, og kampen vert vist på TV2 Sumo. G16 2 tapte i går knepent 0-1 for Falkeid, og er revansjelystne før dagens TV-kamp.
Her kan du sjå heile oversikten over kva kampar TV2 sender måndag: http://www.tv2.no/a/9268568/