Damene som hoppar i fjorden kvar vinter

– Eg badar ikkje mykje om sumaren. Eg føretrekk å bade om vinteren

Dei badar helst om vinteren, gjerne to gongar i veka når det er ekstra kaldt. Lisoneide Martinussen frå Brasil var den som dro i gong badeklubben i Sunndal. Og ho er den som fryktar kulda minst av dei alle.

Damer i fri flyt: Desse damene fryktar verken kulde eller vêr. Denne ettermiddagen fikk dei ein forsmak på våren. Det er først og fremst isbading dei driv med. Frå venstre Lajla Wennevold, Eva Heidi Lund Silseth, Berit Hugdal, Lisoneide Martiunussen og Lillian Sæther.   Foto: Tina Fløystad

Nyheter

Det er ein lys, lettskya ettermiddag og ei vårleg lukt heng i lufta. Dette er med andre ord før det heftige snøfallet Sunndal har hatt sidan slutten av påska. Driva treff ein gjeng sporty og muntre damer på parkeringsplassen i småbathamna, medlemmar i DIFF Sunndal – isbadarar! Og med tanke på at det er vinter-og isbading dei driv med, hadde det kanskje vore riktigare å treffe dei denne veka, i snøen og kulda, i deira sanne element.