Det største enkelttiltaket er Nordøyvegen, medan dei største programområda er knytte til utbetringar av ferjekaier, vegstrekningar og tunnelar, gang- og sykkelvegar samt kollektiv- og trafikktryggingstiltak.
For Nordøyvegen er det i perioden foreslått løyvd 333 millionar kroner, med ein topp i åra 2015/2016, då det er sett av 300 millionar. Investeringsprogrammet viser elles at dei største investeringane dei næraste to åra er knytte til:
• opprusting av Fannefjordtunnelen
• utbetring av Driva bru
• utbetring av ferjekaiene ved Ørsnes, Magerholm, Årvik, Lauvstad og Koparnes
• gang- og sykkelvegar ved Bud, Bolme-Børset, Torsethøgda-Kalveneset, Øvre Rise-Varleitet, Sve-Rødset og Vevang
• Det er også planlagt større trafikk- og miljøsikringstiltak i Årødalen, Sjøgata i Ulsteinvik, Atlanterhavsvegen og Eidsvåg samt kollektivtiltak på Garnes.
• I perioden 2013-2016 skal det brukast vel 500 millionar til rassikringstiltak inklusive tunnel på strekninga Røyr-Hellesylt (rassikringspotten)
• I tillegg kjem asfaltering til 83 millionar (grusvegpakka)
Bypakkane
Dei tre store byane i fylket har alle prinsippvedtak på bompenge-innkrevjing i samband med vegutbygging i og rundt byane. Føresetnaden i desse prosjekta
er 5% fylkeskommunal medverknad, og dette er kostnadsrekna til om lag 325 millionar kroner i perioden. I siste del av planperioden 2013-2022 kan desse
investeringane kome tungt inn, men det er så langt ikkje gjort vedtak om finansiering av bypakkar i samferdselsutvalet/fylkestinget.
Vedtak kvart år
Det er fylkestinget som kvart år gjer vedtak om investeringsprogram for fylkesvegar. Programmet dekkjer ein 10 års-periode. Økonomiplanen for fylkeskommunen
set rammene for fylkesveginvesteringane, og fram til 2015 er det sett av nær 800 millionar til ulike fylkesvegtiltak. I tillegg til dette kjem midlar som skal brukast
til rassikring. Dei følgjande åra fram til 2022 har ei samla ramme på om lag 1,12 mrd. kroner.